Sürüb dəvələrini mənim yurduma çatsan

Sürüb dəvələrini mənim yurduma çatsan Müəllif: Ömər Gənci

Sürüb dəvələrini mənim yurduma çatsan,
Dostlarıma, unutma, məndən yetir bir salam.

Bu dərdə dözməyimdən, ayrılıq əzabından -
Danış bir-bir onlara, mən necə xəstəhalam.

Söylə ki, onları mən hər yadıma saldıqca -
Gəlib keçir gözümdən bir də o günlər tamam.

Ətirli meh əsdikcə səhər dost diyarından,
Qəlbim yarpaq tək əsir, tapmır bir ləhzə aram.