Səni (Aşıq Səməd)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Səni (Aşıq Səməd)
Müəllif: Aşıq Səməd
Mənbə: Aşıq Valeh. "Qarabağdan səfər etdim" (Toplayıb tərtib edəni: Almara Nəbiyeva).

Uğur olsun səfərinə, dayanma,
Bürüyübdü qəmli xəyalət səni.
Şagirdlər imdadı sənsən dünyada,
Aşıqlar eyləyər ziyarət səni.

İsmini sorsalar, deynən yektayam,
Natiqi-elmidə qəlbi dəryayam.
Naşı deyil, həqdən gələn sevdayam,
Dərin ağlın etməz xəcalət səni.

Əldə Quran Səməd baxır göylərə,
Qocalmışam, mizrab çatmır simlərə.
Bəlkə öldüm, görüş qaldı məhşərə,
Tapşırıram həqqə əmanət səni.