Səni min yaşa, ay Məhəmməd

Səni min yaşa, ay Məhəmməd Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Hünərinə el hayrandı,
Səni min yaşa, ay Məhəmməd!
Camalına can qurbandı,
Boyun tamaşa, ay Məhəmməd!

Beşaçılanın gülləsindən,
Dağlar titrəyir səsindən.
Koroğlu tək nərəsindən,
Gözlər qamaşa, ay Məhəmməd!

Sən Bəstinin tərlanısan,
Bu dağların aslanısan.
Bu könlümün dastanısan,
Sən gəl, keç başa, ay Məhəmməd!