Sanki ürəklərdən oğurlanmış ümidlər
| Sanki ürəklərdən oğurlanmış ümidlər! (1996) Müəllif: RAUF CAVAD |
Sanki ürəklərdən oğurlanmış ümidlər!
Toplanıb hər kəsdən oğurlanmış ümidlər!
Qalmış nakam bir çox sevənlərin sevgisi,
Sevən könüllərdən oğurlanmış ümidlər!
Bulanıb fikirlər qaralmış düşüncələr,
Bir-bir hər cümlədən oğurlanmış ümidlər!
Canın bədəndə canı ah-fəğan eylər, çün
Arzu diləklərdən oğurlanmış ümidlər!
Göz yaşı tökür ümidlər, intizarından,
O gözəl gözlərdən oğurlanmış ümidlər!
Bu nə əhvaldır düşüb kim ümidsizliyə,
Hamı bikef, kefdən oğurlanmış ümidlər!
Hal-əhvalımız dönüb olmuş çox pərişan,
Əfsus, ümidlərdən oğurlanmış ümidlər!
Bezib, bezar olmuş dil-ağızda sözlər də
Rauf, söylə nədən oğurlanmış ümidlər?!
...Müəllif:Rauf Cavad