Saxlayın

Vikimənbə saytından
Jump to navigation Jump to search
Saxlayın
Müəllif: İsoy Qurbanov

Üç qızımı, bir oğlumu,
Dağlar, əmanət saxlayın.
Gözü yaşlı qalan yarı,
Dağlar, əmanət saxlayın.

Bu yazdığım sözlərimi,
Ocağımda közlərimi.
Qoynundakı izlərimi,
Dağlar, əmanət saxlayın.

İsoy deyər, - dinlə, yarım,
Bəxt, iqbaldı günahkarım.
Hər nə varsa yadigarım,
Dağlar, əmanət saxlayın.

Mənbə[redaktə]