Saydılar bizi

Saydılar bizi Müəllif: Pir Sultan Abdal

Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Yatmış idik oyatdılar.
Diriyə saydılar bizi.
Qoyun olduq səs anladıq.
Sürüyə saydılar bizi.
Sürülüb qəssaba getdik,
Qənarədə məkan tutduq,
Didar dəftərinə yetdik,
Ölüyə saydılar bizi.
Halımızı hal eylədik,
Yolumuzu yol eylədik,
Hər çiçəkdən bal eylədik,
Arıya saydılar bizi.
Eşq dəftərinə yazıldıq,
Pir divanına düzüldük,
Bal olduq şərbət əzildik,
Doluya saydılar bizi.
Pir Sultanam, Heydər burda
Çox keramət var insanda.
O cahanda, bü cahanda
Əliyə saydılar bizi.