Tək bəndlər (Aşıq Bəsti)

Eyni adda digər əsərlər üçün dəqiqləşdirmə səhifəsinə baxın.

Tək bəndlər (Aşıq Bəsti) Müəllif: Aşıq Bəsti

Mənbə: Aşıq Bəsti. "Bənövşələr" (PDF) (az.). Gəncə. 2013. 2018-09-14 tarixində arxivləşdirilib (PDF). İstifadə tarixi: 2018-09-14.

Alçaq dağlarıma qar yağdı, yağdı.
Üstündən göz yaşım yar yağdı, yağdı.
Bir dəfə ürəkdən gülə bilmədim,
Göydən od ələndi, qor yağdı, yağdı.

• • • 
      

Yaralandı cavan canım,
Mən olanı necə danım?
Çəmənlərə axdı qanım,
Keçib candan ox, ay bülbül.

• • • 
      

A göy dağlar, göyən dağlar,
Başı göyə dəyən dağlar.
Bəstisinin dərdin görüb,
Qəmdən libas geyən dağlar.