Tutuldu (Çorlu Məhəmməd)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Tutuldu
Müəllif: Çorlu Məhəmməd
Mənbə: Qəşəm Vəliyev (2012). Çıldırlı Aşıq Şenlik (az). Azərnəşr. achiqkitab.az. Yoxlanılıb 2017-02-14.

Yusif getdi, cavan getdi,
Ağlamaqdan göz tutuldu.
Mən bir sinli qoca kişi,
Dərdə-qəmə söz tutuldu.

Qəhərləndim, dözəmmədim,
Qara-ağı sezəmmədim,
El-obanı gəzəmmədim,
Kül içində köz tutuldu.

Məhəmməd ki əhli-dildi.
Betər dövran, betər ildi,
Donuzlar axışdı gəldi,
Dərə-təpə, düz tutuldu.