Tutuldu (Çorlu Məhəmməd)

Eyni adda digər əsərlər üçün dəqiqləşdirmə səhifəsinə baxın.

Tutuldu Müəllif: Çorlu Məhəmməd

Mənbə: Qəşəm Vəliyev. "Çıldırlı Aşıq Şenlik" (PDF). Azərnəşr (az.). achiqkitab.az. 2012. İstifadə tarixi: 2017-02-14.

Yusif getdi, cavan getdi,
Ağlamaqdan göz tutuldu.
Mən bir sinli qoca kişi,
Dərdə-qəmə söz tutuldu.

Qəhərləndim, dözəmmədim,
Qara-ağı sezəmmədim,
El-obanı gəzəmmədim,
Kül içində köz tutuldu.

Məhəmməd ki əhli-dildi.
Betər dövran, betər ildi,
Donuzlar axışdı gəldi,
Dərə-təpə, düz tutuldu.