Uyduq, əfsus ola, cahillərə, biganələrə
Uyduq, əfsus ola, cahillərə, biganələrə Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 110 |
Uyduq, əfsus ola, cahillərə, biganələrə,
Biz fəda etdik həqiqətləri əfsanlərə.
Qafila, vəhm elə divanələrin pirindən,
Aqil ol, atma məzəmmət daşı divanələrə.
Mubəmu türreyi-tərrarını öpməkdən ötür,
Qoşulaydım kaş o zülfün dolanan şanələrə.
Elə bir hal ilə könlüm yanar hicran oduna,
Göstərər atəşə yanmaq nədi pərvanələrə.
O gün olsun ki, olaq bəzmi-vüsalında qonaq,
Saqi vəslin-şərabından süzə peymanələrə.
Əgər olmaq diləyirsənsə vəfa sərməsti,
Ehtiram etməlisən xadimi-meyxanələrə.
Öylə bərbad elədi hicr, Vüqar, könlün evin,
Bənzədi çərxin əliylə dağılan xanələrə.