Var (Aşıq Musa)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Var
Müəllif: Aşıq Musa
Mənbə: Aşıq Musa, "Əsərləri" (tərtib edəni:İslam Ələsgər), Bakı, "Elm və təhsil", 2013.

 
Ay ağalar, gəlin sizə söyləyim,
Unutmam, dilimdə bir əzbərim var.
Mən deyim sözümün sağın aşikar,
Açılmış sinəmdə bir dəftərim var.

Gördüm bu dünyanın zövqü səfasın,
Oxudum dərsimi, çıxdım hecasın.
Anladım hürufun məddi-mənasın,
Yerbəyer dərs verən irəhbərim var.

Musayam, sözümün budur mənası,
Hər yana şox salır qəlbin nidası.
Moc verir könlümdə eşqin dəryası,
Coşub dalğalanan bəhrü bərim var.