Varmı (Aşıq Musa)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Varmı
Müəllif: Aşıq Musa
Mənbə: Aşıq Musa, "Əsərləri" (tərtib edəni:İslam Ələsgər), Bakı, "Elm və təhsil", 2013.

 
Ala gözlü, uca boylu şahzada,
Şah sənsənmi, səndən qeyri şah varmı!?
Səni sevən malı neylər dünyada,
Qaşlarından özgə qibləgah varmı!?

Boyun görən keçər candan sərbəsər,
Dilim bir dəryadı, sinən bir dəftər.
Camalın aləmi edib münəvvər,
Bundan şərafətli mehrü mah varmı!?

Qamətin hüsnünə qıldım ibadət,
Qaşların tağına edim ziyarət.
Zülfünün muyundan qurulsa Sirat,
Günahkar Musaya bir irah varmı!?