Vermərəm səni (Aşıq Qurbani)

Eyni adda digər əsərlər üçün dəqiqləşdirmə səhifəsinə baxın.

Vermərəm səni Müəllif: Aşıq Qurbani

Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

Başma döndüyüm ay pərizada,
Can içində cana vermərəm səni.
Neylərəm bostanı, neylərəm bağı,
Yüz bağu-bostana vermərəm səni!

Dağlarda maralsan, çöllərdə ceyran,
Ordubad, Naxçıvan boyuna heyran,
Tamaşaya gələr cəmi Gülüstan,
Güllü Dağıstana vermərəm səni.

Qurbani der: can içində can gələ,
Yaş yerinə gözlərimdən qan gələ,
Camalm görməyə Süleyman gələ,
Taxti-Süleymana vermərəm səni!