Xəyali-yarə dalandan xəyal olub getdim

Xəyali-yarə dalandan xəyal olub getdim Müəllif: Vüqar Biləcəri Tərcümə edən: Hüseyn Cəlilov

Mənbə: Vüqar Biləcəri. "Qərib xəyal" kitabı. Səh 19

Xəyali-yarə dalandan xəyal olub getdim,
Cəfayi-hicr ilə aşüftə-hal olub getdim.

Bəsirət əhli görər surət içrə mənanı,
O surətindəki mənaya lal olub getdim.

Fənaya meylim itəndən bəqa yolun tapdım,
Camala göz yumub əhli-kamal olub getdim.

Verildi rütbə mənə asitani-yara gəda,
Nə yaxşı sahibi-izzi-cəlal olub getdim.

Qəbuli-yardə bir növbə vardı, gəl görəsən,
Ayaqlar altda qalıb payimal olub getdim.

Bağışla, əhdimi sındırdım, ey həbibi-əziz,
Üzüm qaraldı yanında Bilal olub getdim.

Vüqar, cəvab gəlincə dəhani-dilbərdən,
Əyildi qaməti-sərvim, sual olub getdim/