Yar gəlmişdi edə dərdimə əncam o gecə
Yar gəlmişdi edə dərdimə əncam o gecə Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 82 |
Yar gəlmişdi edə dərdimə əncam o gecə,
Qoymadı çərx ki, yarımdan alım kam o gecə.
Məst məstanə idi cümlə xərabat əhli,
Qalıb əllərdə xumar olmuş idi cam o gecə.
Hansı bayram gecəsi ayrı düşərsən yardan,
Ola matəm gecəsi, olmaya bayram o gecə.
Yar ilə birgə məhəbbət dolu bir gün yaşadıq,
Bir ömür beynimə həkk oldu o axşam, o gecə.
Ey Vüqar, yar ilə birlikdə qədəh nuş elədik,
Qalmadı cismdə tab, ruhda aram o gecə.