Yavaş-yavaş (Aşıq Abdulla Dərələyəzli)

Yavaş-yavaş Müəllif: Aşıq Abdulla Dərələyəzli

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. səh.97; ISBN 978-9952-571-42-4

Kimin gəlinisən, kimin qızısan，
Bələnir dodağa bal yavaş-yavaş.
Bu qərib aşığa qaynadı qanın，
Sürüşdü başından şal yavaş-yavaş.

Özün əhli-halsan, bəstədi boyun，
Məni də yandırdı alovun-odun.
Nəzərə gələrsən, bəd gözdən yayın，
Yaşmağı dodaqdan sal yavaş-yavaş.

Aşıq Abdullayam, sinəm dağlıdı，
Eşqim daşa dəyib, qolum bağlıdı.
Deməynən bu aşıq qaş-qabaqlıdı，
Düşməsin qəlbinə xal yavaş-yavaş.