Yenə Zakirin qəzəli 1

Yenə Zakirin qəzəli 1 Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Rəqibi görməyə mümkün olaydı yarım ilə,

Gedərdim ol səri-kudən öz ixtiyarım ilə.

Gəzərdim itləri içrə o dərdə bipərva,

Ziyadə tapmış idim rütbə etibarım ilə.

Hər ay başında bir ox navəki-qəmzədən ücrət,

Gərək mənə yetişə, şərt budur nigarım ilə.

Qoyanda qəbrə məni örtməyin, gəlib dilbər,

Nə güftgu edəcək, ta görüm, məzarım ilə.

Töküb sirişk gözündən deyərmi: “Ah, əfsus,

Ki, həsrət öldü bu biçarə intizarım ilə”.

Təğafül eyləsə bir dəm o səngdil deyərəm,

Fəğan ilən tutuban damənin qübarım ilə.

Bağışla cürmümü, ey şux, kim, həyatımda,

Çox etmişəm səni azürdə ahü zarım ilə.

Rəqibi mərhəmi-bəzmi-vüsal eyləmə kim,

Cahana od salaram ahi-pürşərarım ilə.

Xudaya şükr ki, basdın məzarım üstə qədəm,

Şikəstə Zakirəm, əhdim bu idi Tarım ilə.