Yetdin yetənə, yetməyənə bir təpik atdın

Vikimənbə saytından
Jump to navigation Jump to search
Yetdin yetənə, yetməyənə bir təpik atdın
Müəllif: Əliqulu Qəmküsar
Mənbə: Əliqulu Qəmküsarın ədəbi taleyi: sənətdə və həyatda

Yetdin yetənə, yetməyənə bir təpik atdın,
Vicdanını, imanını bircə pula satdın,
Şeyxi, qazını, xanı, bəyi bir-birə qatdın,
İcma eləyib qıldılar axır sənə nifrət.

Tutdun yaxasından Bakının həftədə yazdın,
Milyonçu, zavodçu deməkdən beynini qazdın,
Uprava, qlavnı bağırıb kefləri pozdun,
Saldın Bakıya həftədə bir şuri-qiyamət.