Yetirməsin

Vikimənbə saytından
Jump to navigation Jump to search
Yetirməsin
Müəllif: Aşıq Qurbani
Mənbə: Qara Namazov, "El çələngi" (xalq şeirindən seçmələr), Bakı, 2004.

 
Vəzir, sana qarğayıram,
Haqq diləyin yetirməsin!
Göydən min bir bəla ensə,
Birin səndən ötürməsin!

Evində düşəsən naçaq,
Sağ gözünə batsın bıçaq,
Oğul-uşaq düşsün qaçaq,
İstədiyin gətirməsin!

Oturubsan ağ otaqda,
Qan qusasan laxta-laxta,
Səni görüm elən vaxtda
Dilin kəlmə gətirməsin!

Qurbani qaldı burada,
Çağır xudan yetsin dada,
Meyidin qalsın arada,
El yığılıb götürməsin!