Yetmədi (Baba bəy Şakir)

Eyni adda digər əsərlər üçün dəqiqləşdirmə səhifəsinə baxın.

Yetmədi Müəllif: Baba bəy Şakir

Mənbə: Tərtib edəni: Zaman Əsgərli. "XIX əsr Azərbaycan şeiri antologiyası" (PDF). Milli Kitabxana (az.). "Şərq-Qərb". 2005. 2016-03-05 tarixində arxivləşdirilib (PDF). İstifadə tarixi: 2016-08-13.

Şamu səhər qan süzüldü didəmdən,
Razi-dilim pərizada yetmədi.
Gah yalvardım, gah doşəndim payinə,
Kar güşinə nalə, səda yetmədi.
 
Tora saldı canan könül quşumu,
Aldadıban sərdən aldı huşumu.
Qatdı fələk qovğalarla başımı,
Rəhmə gəlib yar imdada yetmədi.
 
O gözləri şəhla, qaməti bəstə,
Anlamaz, nə cəkir Şakir şikəstə,
Didari şövqündən düşübdü xəstə,
Ömür kecib, bir murada yetmədi.