Yol üstündə duran gözəl

Vikimənbə saytından
Yol üstündə duran gözəl
Müəllif: Aşıq Əsəd
Mənbə: Sazlı-sözlü Göyçə (II kitab). Bakı, “Elm və təhsil”, 2018.

Yol üstündə duran gözəl,
Söylə görüm, haralısan?
Yaranıbsan bir qətrədən,
Hansı yerin maralısan?

Yaradıb Cabbarü Cəlil,
Bədnəzəri olsun zəlil!
Nə baxırsan məlul-məlul,
Yoxsa yardan yaralısan?

Əsəd deyir, intizaram,
Açılmış güllərin dərəm.
Hər gün sənlə seyrə varam,
Heyif, bizdən aralısan.