Yolunda can verənlərin şəhadətin qəbul elə
Yolunda can verənlərin şəhadətin qəbul elə Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 47 |
Yolunda can verənlərin şəhadətin qəbul elə,
Xuda ibadət əhlinin ibadətin qəbul elə.
Ziyarət eyləyənlərin ziyarətin qəbul elə,
Hüseynə xatir əhv qıl, bağışla taət əhlini.
Bəlayi-qəmdən hifz qıl, Xuda, ibadət əhlini,
Divanı tut gədalərə, sevindir iffət əhlini.
Fəqirin Haqqı tapdanıb, qüruru qırılıb, alçalıb,
Ədalət, Haqq itib-batıb, bütün cahanı zülm alıb,
Bir az da səbr qıl, könül, vüsali-Yara az qalıb,
İlahi kama çatdırar bütün məhəbbət əhlini.
Düzüldü səfbəsəf qoşun, tutuldu rahi-Kərbəla,
O dəmdə qalxdı göylərə fəqani-ahi-Kərbəla,
Ki qoydu başın Allahın yolunda Şahi-Kərbəla,
Batırdı qəmə büsbütün o gün həqiqət əhlini.
İnayət etmiş acizə, fəqirə Xətmül-ənbiya,
Füzun edib mürüvvətin, vəfasın ol şəhin Xuda,
Gəlibdir İslam əhlinə ağır vəfati-Müstəfa,
O, sadiq olmuş əhlinə, o sevmiş əlbət əhlini.
Tutar cahanı sovti-sur, verərsə əmri-Girdigar,
Əlində Zülfüqar İmam olar qeybdən aşikar,
Bu Haqsız hakimiyyətin az ömrü qalmış, ey Vüqar,
Sevindirər zühuri-Höccət Haqq-ədalət əhlini.