Zarınandı

Zarınandı Müəllif: Aşıq Alı

Mənbə: Niftalı Göyçəli (2017). "Göyçə ustadları" (antologiya), I hissə. (az). Bakı: "Elm və təhsil". ISBN 978-9952-8176-1-2. 2017-11-23 tarixində arxivləşdirilib. 2017-11-23 tarixində istifadə olunub.

Ay ağalar, ay qazılar,
Mənim işim zarınandı.
Bir anlamaz yar əliylə
Yaralarım sarınandı.

Zərgər də zərinən oynar,
Dövlətli varınan oynar.
Hərə bir karınan oynar,
Mənimki də xarınandı.

Aşıq Alı gülü bəstə,
Dərdindən olmuşam xəstə,
İlqar verən durar üstə,
O da etibarınandı.