Alimin zalım padşaha cavabı

Alimin zalım padşaha cavabı Müəllif: Seyid Əzim Şirvani

Dedi bir əhli-elmə bir zalim –
Key olan şər sirrinə alim!
Mənim üçün buyur ibadətdən,
Hansı əfzəldi cümlə taətdən?
Dedi: - Ey padşahi-zülmşitab,
Sənə əfzəldi hər bir işdən xab,
Ta yatan vəqt, ey fələkkirdar,
Görməyə xəlq bir nəfər azar.
Padşalərdə ədl əhsəndir,
Fitnənin yatmağı mühəssəndir.