Bağışla məni (Növrəs İman)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Bağışla məni
Müəllif: Növrəs İman

Bar İlahim, min bir adın xətrinə,
Bu əziz axşama bağışla məni.
Dəşti Kərbəlanın nahaq qanına,
Seyyidül ənnama bağışla məni.

Bağışla ol şəxsə adı Hüseyndi,
Həbibin olduğu bərhəqq yəqindi,
Əfv qıl rəsula, sahibi dindi
Oxunan «Quran»a bağışla məni.

Bağışla o yerə qərib əsasa,
Zeynəbə, Gülsümə, qara libasa,
Ələmdar Hüseynə, Rəşid Abbasa,
O qolsuz ağama bağışla məni.

Bağışla Ələkbərin sərvər yasına,
Cənabı Qasımın daməd yasına,
Ümleylanın «oğul vay» naləsinə,
Qoyulan Nizama bağışla məni.

Növrəstə İmanam, çoxdu üsyanım,
Əriyib bədənim, quruyub qanım,
Tövbə bəd əməldən qadir sübhanım,
Əliyyəm-mürtəzaya bağışla məni.