Dolanım başına ey nazlıca yarım, bəri bax

Vikimənbə saytından
Jump to navigation Jump to search
Dolanım başına ey nazlıca yarım, bəri bax
Müəllif: Seyid Əzim Şirvani
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.


Dolanım başına ey nazlıca yarım, bəri bax,
İşvəli, qəmzəli, çəm-xəmli nigarım, bəri bax.

İşvə ağaz qılıb səbrimi tarac etmə,
Getdi dildən dəxi aramü qerarım, bəri bax.

Xəm emiş qamətim ebrulerinin qurbanı,
Zülfi-pürtabına qurban təni-zarım, bəri bax.

Bu cəfadidə dil, ol kakili-mişkinə fəda,
Gözlərin sədqəsi bu cismi-fikarım, bəri bax.

Can nisar etməyə amadədi Seyyid, gözelim,
Gər desən lütf ilə: ey aşiqi-zarım, bəri bax!