| Mənbə: Novrəs İman. Seçilmiş əsərləri. (Toplayıb tərtib edəni: İslam Ələsgər) Bakı, "Səda", 2004. səh. 107
|
İki şəş fasildə tifli-pistanam,
Altıda yox atam, nə də anam indi.
On ikidə yetişmiş bağü bostanam,
On üçdə yox barım, nə danam indi.
Şəm idim əzəldən, yara işıqıydım,
Leyli, Məcnun kimi yar aşığıydım.
Məclislər zinəti, yaraşığıydım,
Söz keçmir isbata, nə danam indi.
İman eşqin nə az verib, az alar,
Can dərdə gələndə titrər əzalar.
Dost yad olsa, məhəbbətlər azalar,
Qalmaz sel yerində nə də nəm indi.
