Vikimənbə:Günün mətni/avqust 13

Vikimənbə saytından
Keçid et: naviqasiya, axtar

Dübarə-səbarə
Cəfər Cabbarlı

Verir müsəlmanə yüz macəra dübarə-səbarə,
Edir qəzetlər ona iftira dübarə-səbarə.

Biri yazır ki: müsəlman qalıb cəhalət içində;
Biri deyir: boğulur qızları səfalət içində.
Yazır bir ayrısı: millət ölür zəlalət içində.
Hələ “Babayi-Əmir" də çıxıb bu halət içində,
Edə bu xalq gününü qara dübarə-səbarə
Verir müsəlmanə yüz macəra dübarə-səbarə.

Yalandır hər nə qəzetlər yazır, inanmayın anə,
Olub müsəlman hamı suyi-elmü fənnə rəvanə;
Nə qədər alimi-şair görün dolubdu zəmanə,
Gətirdi bizləri, vallah, qəzetçi təngə, amanə.
Qaçaq buların əlindən hara dübarə-səbarə?
Verir müsəlmanə yüz macəra dübarə-səbarə.

Ardını oxu...