Vikimənbə:Günün mətni/fevral 4

Vikimənbə saytından

Pənbə çarşaf
Hüseyn Cavid

Pənbə, şəffaf, ipəkli bir çarşaf,
Lərzişi-səfvətilə hər saət
Ruhi-məcruhə eyliyor ithaf.
Nazənin bir fəriştə, bir afət.
Bu təsəttür nasıl da cazibədar!
Bunda pək incə bir lətafət var.

Sanki bir nevşükuftə gül fidanın
Pənbə tüllər əhatə qılmışdır.
Ya ki bir kevkəbi-dirəxşanın
Üstünü həp şəfəqlər almışdır.
Mən açıq şerdən də həzz edərim,
Fəqət ən gizli şeri pək sevərim.