Vikimənbə:Günün mətni/oktyabr 7
Rəqs
Hüseyn Cavid
Ruhum yenə ləbrizi-səadət...
Ya rəb, bu nə tufani-lətafət?!
Göydən yerə enmiş kibi cənnət,
Yer-yer saçılır nuri-məsərrət.
Həp qol-qola pirşevqü şətarət
Rəqs etmədə — azadeyi-sənət —
Ərvahi-lətifi-mələkiyyət.
Bilməm bu nə halət, nə qiyafət?
Ya rəb, bu nə səfvət, nə səbahət!
Həp şerlə əlhani-zərafət
Məmzuc olaraq sanki bu saət,
Qarşımda gülümsər əbədiyyət.
Bu levheyi-ülviyyətə, əlbət,
Röya deyəməm, eyni-həqiqət...