Vikimənbə:Günün mətni/avqust 31
Kantorçularımız
Cəfər Cabbarlı
Aman, kantorçularımız, dad sizdən,
Bizi zar eylədiz, fəryad sizdən!
Nə üçün bizlərə yer verməyirsiz,
“Bizə lazım deyil müslüm" deyirsiz,
Uşaqlar ac qalıb, rəhm etməyirsiz?
Gözəldir, vallah, bir cəllad sizdən,
Aman, kantorçularımız, dad sizdən!
Acından qırmaq istərsiz bizi siz;
Məgər bir əcnəbidən tənbəlik biz?
Veriz beş yüz yerinə bizlərə yüz...
Çətindir gözləmək imdad sizdən,
Aman, kantorçularımız, dad sizdən!