Vikimənbə:Günün mətni/iyun 8
Qorxuram
Mirzə Ələkbər Sabir
Payi-piyadə düşürəm çöllərə, -
Xari-müğilan görürəm, qorxmuram.
Seyr edirəm bərru biyabanları, -
Quli-biyaban görürəm, qorxmuram.
Gah oluram bəhrdə zövrəqnişin, -
Dalğalı tufan görürəm, qorxmuram.
Gəh çıxıram sahilə, hər yanda min
Vəhşeyi-ğürran görürəm, qorxmuram.
Gah şəfəq tək düşürəm dağlara, -
Yanğılı vulkan görürəm, qorxmuram.
Gah enirəm sayə tək ormanlara, -
Yırtıcı heyvan görürəm, qorxmuram.